नेपालगञ्ज । बाँकेको नौबस्तामा रहेको बाल सुधार गृहमा झडप भएको छ । बैजनाथ –३, गाभरस्थित क्षेत्रीय कारागारमा रहेको बालसुधार गृहका बालबन्दीबीच झडप भएको हो ।

बालसुधार गृहमा १८ वर्षमाथिका बन्दीबीच शनिबार रातिदेखि नै झडप भएको जिल्ला प्रशासन कार्यालय बाँकेले जनाएको छ । दुईवटा ब्लकका बालबन्दीबीच झडप भएको थियो । झडपमा चारजना बालबन्दी घाइते भएका छन् ।

एउटा ब्लकमा २३ जना र अर्को ब्लकमा ९३ जना राखिएका छन् । उनीहरूबीच अपरान्ह ४ बजेतिर ढुङ्गा हानाहान भएको बताइएको छ । आइतबार अपरान्ह ४ बजेतिर हानाहान हुँदा एकजना बालबन्दी घाइते भएका छन् ।

घाइतेलाई नेपालगन्ज मेडिकल कलेज शिक्षण अस्पताल कोहलपुरमा भर्ना गरिएको छ । अहिले पनि बालबन्दीहरु ढुङ्गा हानाहान गरिरहेका छन्। सुरक्षाकर्मीमाथि उनीहरुले ढुङ्गा हानेका छन्।

बाल सुधार गृह वरिपरि ठूलो संख्यामा नेपाल प्रहरी र सशस्त्र प्रहरी तैनाथ गरिएको छ। बालबन्दीसँग वार्ताको प्रयास भइरहेको छ।