कैलाली । ललितपुरको बालकुमारी घटनामा मारिएका दुई युवाको सम्झनामा कैलालीमा दिप प्रज्वलन गरिएको छ ।

धनगढीस्थित पार्क मोडमा युवाहरुले प्रहरीको गोली लागेर मारिएका अछामका २२ वर्षीय वीरेन्द्र शाह र दैलेखका २३ वर्षीय सुजन रावतको सम्झनामा दिप प्रज्वलन गरिएको हो ।

साथै घटनाको सत्यतथ्य छानविन गरी दोषीमाथि कडा कारबाहीको माग गरिएको छ । यस्तै कैलालीको अत्तरियामा पनि दिप प्रज्वलन गरिएको छ ।

यता मृतकका आफन्तहरुले आफ्ना माग पुरा नभएसम्म शव पनि नबुझ्ने अडान लिएका छन् । शनिबार अपरान्ह प्रधानमन्त्री पुष्पकमल दाहाल ‘प्रचण्ड’सँग पीडित परिवारजनले भेट गरेका छन् ।

भेटमा पीडित परिवारजनले घटनाको सत्यतथ्य र निश्पक्ष छानबिन गरी दोषीमाथि कडा कारबाही गर्न सरकारको ध्यानाकर्षण गराएका थिए । सो अवसरमा पीडित परिवारका साथै अछाम र दैलेख जिल्लाका सङ्घीय सांसद्को पनि सहभागी थियो ।