काठमाडौं । नेपाल सुपर लिग (एनएसएल) को फाइनलमा ललितपुर सिटी एफसी र धनगढी एफसीले बराबरी खेलेका छन् ।

त्रिपुरेश्वरस्थित दशरथ रगंशालामा खेलको पहिलो हाफ सकिँदा ललितपुर र धनगढी १–१ को बराबरी खेलेका हुन् ।

धनगढीका लागि अफिज ओलावा र ललितपुरको तर्फबाट इमो इजेकीले गोल गरे ।

साविक उपविजेता धनगढी पहिलो पटक उपाधि जित्ने लक्ष्यमा छ। यता पहिलो पटक फाइनल पुगेको ललितपुर पहिलो प्रयासमा नै उपाधि जित्ने योजनामा छ ।

एनएसएलको उपाधि विजेताले ७० लाख रुपैयाँ पुरस्कार पाउनेछ। उप विजेताले भने २० लाख रुपैयाँ प्राप्त गर्नेछ।