काठमाडौं । डेडिकेटेड र ट्रंकलाइनबाट बिजुली प्रयोग बापतको २२ अर्ब २४ करोड रुपैयाँ बक्यौता रहेको छ ।

नेपाल विद्युत प्राधिकरणका अनुसार २३९ उद्योगमध्ये १७८ उपभोक्ताले प्रिमियमसहित तिरेको र ६१ उद्योग बाँकी रहेको देखिएको हो ।

डेडिकेटेड तथा ट्रक लाइनबाट विद्युत् उपभोग गरेको कुल ६१ वटा उपभोक्ताहरुको २०८० मंसिर मसान्तसम्म कुल बक्यौता रकम २२ अर्ब २४ करोड रुपैयाँ रहेको छ।

यसमध्ये करिब १२ अर्ब ५० करोड रुपैयाँबराबरको बक्यौता हालै लाइन विच्छेद गरिएका ९ वटा ठूला उद्योगहरुको रहेको प्राधिकरणले जनाएको छ ।

यो रकम नउठेसम्म प्राधिकरणले सबै उद्योगको लाइन काट्दै जाने चेतावनी दिएको छ ।