काठमाडौं । नेपाल सुपर लिग (एनएसएल) को दोस्रो क्वालिफायर खेलमा आज पोखरा थन्डर्स एफसी र ललितपुर सिटी एफसी खेल्दैछन् ।

त्रिपुरेश्वरस्थित दशरथ रगंशालामा हुने खेल बिहीबार साँझ साढे ५ बजे सुरु हुनेछ।

पोखरा पहिलो क्वालिफायर खेलमा धनगढी एफसीसँग टाइब्रेकरमा ४–३ गोल अन्तरले पराजित हुँदै दोस्रो क्वालिफायर खेल्न लागेको हो।

यता ललितपुरले भने एलिमिनेटर खेलमा साविक विजेता काठमाडौँ रेजर्सलाई ३–० को फराकिलो अन्तरले हराउँदै पोखरासँगको भेट पक्का गरेको हो।

यो खेलको विजेताले उपाधिका लागि धनगढी एफसीको सामना गर्नेछ । यो संस्करणको उपाधि विजेताले ७० लाख रुपैयाँ प्राप्त गर्नेछ ।