काठमाडौं । मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ ।

क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान भएको हो ।

सभाको क्रममा क्रान्तिकारीले बाटो नै ब्लक गरेको भन्दै प्रहरीले सवारीसाधनको आवागमन खुलाउन खोजेको थियो ।

तर क्रान्तिकारीले आफूहरूले सीडीओसँग अनुमति लिइसकेको भन्दै कार्यक्रम स्थलबाट नहट्ने अडान लिए ।

तर प्रहरीले बाटोमा ब्लक नगर्न भन्दै हटाउन खोजेपछि क्रान्तिकारीका कार्यकर्ताले प्रहरीमाथि कुर्सी र बोतल प्रहार गरेका थिए ।