काभ्रे । काभ्रेमा गाईको मासुसहित तीनजना पक्राउ परेका छन् ।

जिल्ला प्रहरी कार्यालय काभ्रेका अनुसार जिल्लाको पाँचखाल नगरपालिका-१ का ३४ वर्षीय मिनबहादुर तामाङ, ३० वर्षीय सन्तबहादुर तामाङ र सिन्धुली घ्याङलेक गाउँपालिका-२ का २७ वर्षीय अर्जुन लामा थिङ पक्राउ परेका हुन् ।

जिल्लाको पाँचखाल नगरपालिका-१ घुमाउने चौरस्थित गाई काटिरहेको भन्ने सूचनाका आधारमा पाएपछि जिल्ला प्रहरी कार्यालयबाट खटिएका प्रहरीले ८५ केजी गाईको मासुसहित पक्राउ गरेको हो ।

यसबारे थप अनुसन्धान भइरहेको प्रहरीले जनाएको छ ।