काठमाडौं । सरकारले राष्ट्रपति रामचन्द्र पौडेलको स्वास्थ्य उपचारमा झण्डै १० लाख रुपैयाँ खर्च गरेको छ ।

गत साउनदेखि मंसिरसम्म राष्ट्रपति पौडेलको स्वास्थ्य उपचारमा लाग्ने खर्च वापत ९ लाख ९५ हजार ९३५ रुपैयाँ प्रधानमन्त्री तथा मन्त्रिपरिषद्को कार्यालयलाई निकासा गरेको हो ।

राष्ट्रपति र उपराष्ट्रपतिको पारिश्रमिक तथा सुविधासम्बन्धी ऐन, २०७४ बमोजिम उक्त रकम निकास गरिएको अर्थ मन्त्रालयले जनाएको छ ।

यसअघि पनि राष्ट्रपति पौडेलले भारतमा गराएको स्वास्थ्योपचारको खर्च सरकारले नै बेहोरेको थियो ।