काठमाडौं । प्रहरी परिसर काठमाडौंले प्रहरी उपरिक्षक (एसपी) सोमेन्द्रसिंह राठोरलाई प्रवक्ताको जिम्मेवारी दिएकाे छ । प्रहरी प्रधान कार्यालयबाहेक अन्य प्रहरी युनिटमा दोस्रो सिनियर प्रहरी अधिकारीलाई प्रवक्ताको जिम्मेवारी दिने गरिएकाे भएपनि प्रहरी वरिष्ठ उपरीक्षक-एसएसपी प्रमुख रहने काठमाडौं प्रहरी परिसरमा एसपी हुँदाहुँदै डीएसपीलाई प्रवक्ताको जिम्मेवारी दिइने गरिएको थियो।

यसअघि प्रहरी नायब उपरिक्षक (डीएसपी) राजकुमार केसी प्रवक्ता थिए । काठमाडौं प्रहरी परिसरमा केही समययता डीएसपीलाई प्रवक्ताको जिम्मेवारी दिइने गरिएको थियो। कसलाई प्रवक्ता तोक्ने भन्नेबारे उचित व्यवस्था नहुँदा कार्यालय प्रमुखले आफ्नो अनुकुलता अनुसार प्रवक्ताको जिम्मेवारी दिने गरिएको पाइएको छ।