विराटनगर । मोरङको बेलबारीबाट रातारात सारिएको प्रदेश प्रहरी अस्पताल फिर्ता गराइदिन स्थानीयले प्रधानमन्त्री पुष्पकमल दाहाल ‘प्रचण्ड’को ध्यानाकर्षण गराएका छन् ।

आइतबार मन्त्रीसहित प्रधानमन्त्री कार्यालय सिंहदरबार पुगेको टोलीले प्रदेश प्रहरी अस्पताल बेलबारीमै सार्नका लागि माग गरेका हुन् ।

राष्ट्रियसभा सदस्य बिना पोखरेल, कोशी प्रदेश सांसद ज्ञानेन्द्र सुवेदी, मानबहादुर लिम्बू, गीता तिम्सिना,बेलबारीका मेयर दीलप्रसाद राई, उपमेयर नितु कोइरालालगायतको टोली प्रधानमन्त्रीलाई भेट्न पुगेको थियो ।

०७९ गत फागुन १० गते मोरङको बेलबारीमा अस्पताल सञ्चालन भएको थियो । तर, मंसिर २६ गते मध्यरातमा अस्पतालका सरसामान सुनसरीको इनरुवा सारिएको थियो ।

कोशी प्रदेश सभा सदस्य गीत तिम्सिनाले आफूहरूले प्रहरी अस्पताललाई फेरि बेलबारीमै ल्याइदिन माग गरेको जानकारी दिइन् ।