काठमाडौं । नेपाल सुपर लिग (एनएसएल) मा शनिबार दुई खेल हुँदैछन् ।

त्रिपुरेश्वरस्थित दशरथ रंगशालामा दिउँसो १ बजे हुने पहिलो खेलमा वीरगञ्ज युनाइटेड र पोखरा थण्डर्स​बीच प्रतिस्पर्धा हुनेछ।

पोखरा ५ खेलमा ८ अङ्ककासाथ तालिकाको चौथो तथा वीरगञ्ज समान खेलमा ५ अंककासाथ आठौँ स्थानमा छ ।

यस्तै अपराह्न ५ बजे हुने दोस्रो खेलमा एफसी चितवन र स्पोर्टिङ इलाम डे मेची एफसी ​ आमनेसामने हुनेछन् ।

चितवन ६ खेलमा ५ अंककासाथ तालिकाको सातौँ स्थानमा र इलाम समान खेलमा ४ अंककासाथ पुछारमा छ ।

यसअघि शुक्रबार भएको खेलमा ललितपुर सिटी एफसीले झापा एफसीसँग गोलरहित बराबरी खेलेको थियो।

मंसिर ८ गते शुरु भएको प्रतियोगितामा ९ टिम सहभागी छन् ।