काठमाडौं । नेपाल सुपर लिग (एनएसएल) फुटबलमा आज धनगढी एफसी र चितवन एफसी खेल्दै छन् ।

त्रिपुरेश्वस्थित दशरथ रंगशालमा साँझ ५ बजे खेल सुरु हुनेछ । लिगमा धनगढीको यो पाँचौ खेल हो भने चितवनको छैटौं खेल हो ।

आजको खेल जितेको खण्डमा धनगढी तालिकाको शीर्ष स्थानमा उक्लिनेछ । चार खेलबाट ८ अंक जोडेको धनगढी तेस्रो स्थानमा छ ।

एक खेल बढी खेलेको पोखरा थन्डर्सको समान ८ अंक भएपनि गोल अन्तरको आधारमा दोस्रो स्थानमा छ । ९ अंकसहित ललितपुर सिटी तालिकाको शीर्ष स्थानमा रहेको छ ।