काठमाडौं । नेपाल सुपर लिग (एनएसएल) अन्तर्गत आज पोखरा थण्डर्स र काठमाडौं रेजर्स खेल्दै छन् ।

खेल त्रिपुरेश्वरस्थित दशरथ रंगशालामा साँझ ५ बजे सुरु हुनेछ ।

पोखरा र काठमाडौं दुवैको यो पाँचौ खेल हो । पोखरा यो सिजन अपराजित टिम हो ।

पोखराले चार खेलमा दुई जित र दुई बराबरी खेल्दा आठ अंक जोडेको छ ।

काठमाडौंले भने चार खेलबाट पाँच अंक जोडेको छ । मंसिर ८ गतेदेखि सुरु भएको प्रतियोगितामा नौ टिमको सहभागिता छ ।