काठमाडौं । माओवादी केन्द्रका उपमहासचिव वर्षमान पुन ‘अनन्त’ले एनसेल खरिद–बिक्री प्रकरणमा ठूलो आर्थिक लेनदेन भएको दाबी गरेका छन् ।

शुक्रबार राजधानीमा आयोजित पार्टी सम्बद्ध औद्योगिक मजदुर शाखाको प्रशिक्षण कार्यक्रममा पुनले यस्तो दाबी गरेका हुन् ।

उनले एनसेल प्रकरणमा राज्यलाई प्रत्यक्ष हानी पुग्ने गरी ठूलो आर्थिक चलखेल भएको बताए ।

सरकारद्वारा गठिन उच्चस्तरीय छानबिन समितिले अध्ययन गरिरहेकाले सबै विषय अहिल्यै बाहिर ल्याउने नमिल्ने भन्दै बदमाशी पुष्टि हुने आधार सरकारसँग रहेको उनको भनाई छ ।