एजेन्सी । भारतमा राजपूत करणी सेना प्रमुख सुखदेव सिंह गोगामेडी हत्याको विरोधमा आज राजस्थान राज्य बन्द घोषणा गरिएको छ ।

राजस्थानको जयपुरमा मंगलबार करणी सेना प्रमुख गोगामेडीको गोली हानी हत्या गरिएको विरोधमा राजपूत समुदायले आज राजस्थान राज्यमा बन्दको घोषणा गरेका हुन् ।

राज्यका धेरै जिल्लामा बन्दको समर्थन भइरहेको छ । हत्यामा संलग्नलाई पक्राउ गर्न माग गर्दै राजपुत समुदायले राज्य बन्दको घोषणा गरेका हुन्।

बन्दका क्रममा हिंसात्मक गतिविधि हुनसक्ने भएकाले प्रहरीले अलर्ट जारी गर्दै राज्यका हरेक क्षेत्रमा सुरक्षा व्यवस्था बढाएको छ।