काठमाडाैं। काठमाडाैं उपत्यकामा आज थप १०६ जनामा कोरोना भाइरस संक्रमण पुष्टि भएकाे छ । स्वास्थ्य मन्त्रालयले आज दिएको जानकारी अनुसार काठमाडाैंमा ९२, ललितपुरका १० र भक्तपुरका ४ जना गरि १०६ जनामा कोरोना भाइरस संक्रमण पुष्टि भएकाे हाे ।

यसैबीच नेपालमा आज थप ४६४ जनामा कोरोना भाइरसकाे संक्रमण पुष्टि भएको छ । योसँगै नेपालमा कोरोना संक्रमितको कुल संख्या २२ हजार २१४ पुगेको स्वास्थ्य तथा जनसंख्या मन्त्रालयले जनाएकाे छ ।

मन्त्रालयका अनुसार पछिल्लो २४ घण्टामा थप ४२५ जना कोरोना संक्रमणमुक्त भएका छन् । याेसँगै कोरोना संक्रमणमुक्त भई अस्पतालबाट डिस्चार्ज हुनेको संख्या १५ हजार ८१४ पुगेको छ । नेपालमा अहिलेसम्म कोरोना भाइरस संक्रमणबाट ७० जनाको मृत्यु भएको छ ।