काठमाडौं । नेपाल सुपर लिग (एनएसएल) को दोस्रो संस्करणमा एफसी बुटवल लुम्बिनी एफसीले पहिलो जित निकालेको छ ।

त्रिपुरेश्वरस्थित दशरथ रगंशालामा भएको खेलमा स्पोर्टिङ इलाम एफसीलाई २–१ ले पराजित गर्दै बुटवलले तेस्रो खेलमा आएर पहिलो जित दर्ता गरेको हो ।

इलामलाई हराएको बुटवलले जितसँगै अंक तालिकामा अंकको खाता खोलेको छ । यता खेलको ५९औँ मिनेटमा इलामका फोडे कामारा पेनाल्टीमा चुक्दा दोस्रो हार भोग्न बाध्य भयो ।

बुटवलको जितमा कप्तान एरिक विष्ट र स्टेफन समिर विनोङले समान एक एक गोल गरे । इलामका अब्दुलाय बाले गोल फर्काए । यस्तै लिगमा सोमबार झापा एफसी र काठमाडौं रेजर्स भिड्नेछन् । सो खेल साँझ ५ बजे सुरु हुनेछ ।