धनुषा । धनुषामा कटुवा पेस्तोलसहित एकजना पक्राउ परेका छन् । जिल्ला प्रहरी कार्यालय धनुषाका अनुसार पक्राउ पर्नेमा सबैला नगरपालिका-८ ठिल्लाका ५१ वर्षीय रामइश्वर ठाकुर छन् ।

शुक्रबार साँझ ठाकुरले उनकी ५० वर्षीया श्रीमती रामकाशी देवीमाथि कुटपिट गरी पेस्तोल देखाएर ज्यान मार्ने धम्की दिएका थिए ।

ठाकुरले श्रीमतीमाथि पेस्तोल तेर्स्याएर ज्यान मार्ने धम्की दिएको सूचना छिमेकीले प्रहरीलाई दिएका थिए । सूचना पाएपछि इलाका प्रहरी कार्यालय सबैलाबाट खटिएको प्रहरी टोलीले ठाकुरलाई उनको घरबाट पेस्तोलसहित पक्राउ गरेको हो ।

ठाकुरको शरीर तथा घर खानतलासी गर्दा ९ ईन्च लम्बाई भएको कटुवा पेस्तोल बरामद भएको प्रहरीले जनाएको छ । उनलाई नियन्त्रणमा लिएर प्रहरीले घटनाबारे थप अनुसन्धान थालेको छ ।