काठमाडौं । नेपाल सुपर लिग (एनएसएल) को दोस्रो संस्करणमा चितवन एफसीले वीरगन्ज युनाइटेड एफसीविरुद्ध रोमाञ्चक जित निकालेको छ ।

त्रिपुरेश्वरस्थित दशरथ रंगशालामा खेलिएको खेलमा चितवन एफसीले वीरगञ्जलाई २–१ गोलले पराजित गरेको हो । एनएसएलको दोस्रो संस्करण चलिरहँदा प्रतियोगिताको इतिहामै चितवनको यो पहिलो जित हो ।

चितवनलाई जत दिलाउन विमल घर्तिमगर र टोरिक जेब्रिनले गोल गरे । वीरगन्जका आइकिन्स बाफोरले एक गोल फर्काएका थिए ।

जितसँगै तीन खेलबाट चार अंक जोडेको चितवन तालिकाको पाँचौँ स्थानमा उक्लिएको छ । दुई खेल खेल्दा पनि अंकविहीन वीरगन्ज भने तालिकाको पुछारमा छ ।