काठमाडौं । नेपाल सुपर लिग (एनएसएल) फुटबलमा धनगढी एफसीले बुटवल लुम्बिनी सिटी एफसीलाई पराजित गरेको छ । बिहीवार त्रिपुरेश्वरको दशरथ रङ्गशालामा भएको खेलमा धनगढीले बुटवललाई १–० गोलले पराजित गरेको हो ।

खेल बराबरीतर्फ गइरहेको अवस्थामा इन्ज्युरी समयको ४ औँ मिनेटमा हाफिज ओलावालेले गोल गरेर धनगढीलाई जित दिलाए ।

धनगढीको यो लगातार दोस्रो जिते हो भने बुटवल लुम्बिनीको दोस्रो हार हो । यसअघि धनगढीले वीरगञ्ज यूनाइटेड एफसीलाई २-१ ले पराजित गरेको थियो ।

जितसँगै धनगढी २ खेलमा ६ अंकसहित शीर्षस्थानमा उक्लिएको छ । एनएसएलको दोस्रो संस्करणमा ९ वटा टोली सहभागी छन् । एनएसएलमा शुक्रवार वीरगञ्ज युनाइटेड एफसी र चितवन एफसीबीच खेल हुनेछ ।