एजेन्सी । अमेरिकाका पूर्व विदेशमन्त्री हेनरी किसिन्जरको निधन भएको छ ।

उनको १०० वर्षको उमेरमा कनेक्टिकटस्थित आफ्नै घरमा निधन भएको हो । किसिन्जर एक राजनीतिज्ञ र एक प्रसिद्ध कूटनीतिज्ञ थिए ।

जसले राष्ट्रपति रिचर्ड एम. निक्सन र जेराल्ड फोर्डको शासनकालमा अमेरिकी विदेश नीतिमा अभूतपूर्व काम गरेका थिए ।

परराष्ट्र मन्त्री हुनुका साथै ह्वाइट हाउसको राष्ट्रिय सुरक्षा सल्लाहकार पनि रहेर दुवै पद एकैसाथ सम्हालेका उनी एकमात्र नेता हुन्।