काठमाडौं । नेपाल सुपर लिग (एनएसएल) मा पोखरा थन्डर्स र ललितपुर सिटी एफसीले बराबरी खेलेका छन् ।

बुधबार साँझ दशरथ रंगशालामा भएको खेल गोलरहित बराबरीमा सकिएको हो।

यसअघि दुवै टिमले पहिलो खेलमा जित निकालेका थिए। पोखराले चितवनलाई र ललितपुरले बुटवल लुम्बिनीलाई हराएको थियो । दोस्रो खेलमा बराबरी खेलेसँगै ललितपुर ४ अंक जोडेर शीर्ष स्थानमा उक्लिएको छ।

दोस्रो स्थानको पोखरा र तेस्रो स्थानको काठमाडौं रेजर्सको पनि समान ४ अंक भए पनि गोलअन्तरमा पछि परेका छन् । प्रतियोगितामा बिहीवार धनगढी एफसी र बुटवल एफसीबीच खेल हुनेछ ।