काठमाडौं । कोरोना भाइरस संक्रमणबाट पछिल्लो २४ घण्टामा थप ५ जनाको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या ६५ पुगेको स्वास्थ्य तथा जनसंख्या मन्त्रालयले जनाएको छ ।

बिहीवारको नियमित प्रेस ब्रिफिङमा मन्त्रालयका प्रवक्ता प्रा. डा. जागेश्वर गौतमले नेपालमा थप ५ जनाको मृत्यु भएको जानकारी दिए ।

डा. गौतमका अनुसार मृत्यु हुनेमा मोरङका २ जना रहेका छन् । दुवै ४५ वर्षका रहेका उनले बताए । त्यस्तै सर्लाही मलंगवाकी ६५ वर्षकी महिला, धनुषाकी ७२ वर्षकी महिला र सप्तरीका ४२ वर्षका पुरुषको कोरोना संक्रमणबाट मृत्यु मन्त्रालयले पुष्टि गरेको छ ।