काठमाडौं । एमालेका उपमहासचिव प्रदीप ज्ञवाली र चिनियाँ कम्युनिस्ट पार्टी (सीपीसी) विदेश विभागकी उपमन्त्री सुन हाइयानबीच भेटवार्ता भएको छ ।

उनीहरुबीच सोमबार चिनको राजधानी बेइजिङमा भेटवार्ता भएको हो । भेटमा दुई पार्टीबीच रहँदै आएको मैत्रीपूर्ण, हार्दिक र लामो सम्बन्धका विविध पाटोका बारेमा कुराकानी भएको बताइएको छ ।

एमाले अध्यक्ष केपी शर्मा ओली प्रधानमन्त्री भएको बेला दुई देशबीच अत्यन्त महत्वपूर्ण सम्झौताहरू भएको स्मरण गर्दै उपमन्त्री सुनले तिनको सफल कार्यान्वयन हुने विश्वास व्यक्त गरेकी छन् ।

चाइनिज एकेडेमी अफ सोसल साइन्सेजले आयोजना गर्न लागेको १३ औँ विश्व समाजवाद मञ्चमा भाग लिन उपमहासचिव ज्ञवाली र केन्द्रीय सदस्य बिष्णु रिजाल चीनमा छन् ।