काठमाडौं । नेपाल सुपर लिग (एनएसएल) मा आज दुई नयाँ टोली खेल्दैछन् ।

झापा एफसी र स्पोर्टिङ इलाम एफसीबीच प्रतिस्पर्धा हुन लागेको हो । यी दुवै नेपाल सुपर लिगमा नयाँ टोली हुन् ।

नयाँ टोली इलामले उद्घाटन खेलमै साविक विजेता काठमाडौं रेजर्ससँग खेलेको थियो र पहिलो खेलमा १-० ले पराजित भयो ।

उता झापाको लागि भने यो सिजन यो पहिलो खेल हुनेछ । खेल साँझ साढे ५ बजे हुनेछ ।

मंसिर ८ गतेदेखि सुरु भएको प्रतियोगितामा कुल नौ टिमको सहभागिता छ ।