एजेन्सी । साउदी प्रो लिगमा अल नासरले अल ओखदुदमाथि सहज जित निकालेको छ ।

गएराति भएको खेलमा क्रिस्टियानो रोनाल्डोको दुई गोलको मद्दतले अल नासर ३-० ले विजयी भएको हो ।

खेलको १३ औँ मिनेटमा अल नाजेईले गोल गर्दै टोलीलाई अग्रता दिलाएका थिए । त्यसपछि ७७ औँ र ८० मिनेटमा रोनाल्डोले टोलीको अग्रता तेब्बर बनाए ।

जितपछि अल नासरले लिगको शीर्ष स्थानमा रहेको अल हिलालसँगको दुरी १ अङ्कमा घटाएको छ । १४ खेलबाट अल नासरले ३४ अङ्क बटुलेको छ ।