काठमाडौं । नेपाल कम्युनिस्ट पार्टी (नेकपा)का अध्यक्ष पुष्पकमल दाहालले पार्टी फुट्ने खतरा बढेकाे बताएका छन् । आफू निकट पत्रकारसँग बुधबार भएकाे भेटघाट कार्यक्रममा अध्यक्ष दाहालले अर्का अध्यक्ष तथा प्रधानमन्त्री केपी शर्मा ओलीले आफूसँग बदला लिन खोजेको भन्दै नेकपा फुटकाे संघारमा पुगेकाे जानकारी दिए ।

आफू निकट झण्डै ४५ जना पत्रकारसँगको भेटघाट कार्यक्रममा अध्यक्ष दाहालले गठबन्धन र पार्टी एकता भएको केही समयसम्म राम्रो व्यवहार गरे पनि पछि बदला लिन खोजेको आरोप लगाएका छन् ।

उनले भने, ‘मैले सञ्चालन गरेका सचिवालय, स्थायी कमिटी र केन्द्रीय कमिटी एकताबद्ध र सामूहिक निर्णयसहित अघि बढेकाले उनमा बदलाको भाव उत्पन्न भयो । बदलाको भाव केन्द्रीय कमिटीको बैठकपछि अझ बढी भयो ।’