मकवानपुर । मकवानपुरमा ट्रकको ठक्करबाट पैदलयात्रीको मृत्यु भएको छ।

हेटौंडा उपमहानगरपालिका-६ शान्तिटोलस्थित कान्ती लोकपथ सडकखण्डमा ट्रकले ठक्‍कर दिँदा पैदलयात्रीको मृत्यु भएको हो।

ना ७ ख १८१६ नम्बरको सिमेन्ट लोड गरेको ट्रकले ठक्कर दिँदा पैदलयात्रीको मृत्यु भएको जिल्ला प्रहरी कार्यालय मकवानपुरले जनाएको छ ।

ठक्करबाट स्थानीय ३८ वर्षीया महिला निरा बजगाईको मृत्यु भएको हो। ट्रक तीव्र गतिका कारण दुर्घटनामा परेको प्रहरीले जनाएको छ ।

ट्रकका चालकलाई प्रहरीले नियन्त्रणमा लिएको छ। प्रहरी घटनास्थल पुगेर थप अनुसन्धान अघि बढाएको छ।