पोखरा । राप्रपा नेपालका अध्यक्ष कमल थापाले संघीय गणतन्त्र असफल सावित भएको दाबी गरेका छन् ।

आज पोखराको चाउथे चोकमा आयोजित सभालाई सम्बोधन गर्दै थापाले यस्तो दाबी गरेका हुन् ।

उनले बितेको १७ वर्षको अनुभवबाट संघीय गणतन्त्र असफल सावित भएको बताए । अहिलेको व्यवस्था सुधारिने कुनै संकेत नदेखिएकाले अब व्यवस्था र अवस्था परिवर्तनका लागि तेस्रो जनआन्दोलनको आवश्यक रहेको बताए ।

सबै समस्याको जड राजसंस्था, हिन्दु राष्ट्र र एकात्मक शासनलाई देखाएर बनाइएको गलत भाष्यले मुलुकलाई संकटको भुमरीमा फसाएको उनको भनाई छ ।