काठमाडौं । प्नधानसेनापतिको रोलक्रममा रहेका नेपाली सेनाका उपरथी ताराध्वज पाण्डेले राजीनामा दिएका छन्।

सेनाले उमेरको विषयमा आन्तरिक छानबिन सुरू गरेपछि उपरथी पाण्डेले राजीनामा दिएका हुन् ।

आगामी प्रधानसेनापतीको रोलक्रममा रहेका पाण्डेको उमेरलाई लिएर चौतर्फी प्रश्न उठेको थियो। नागरिकतामा उमेर सच्याएको उजुरी परेपछि सैनिक मुख्यालयभित्रै छानबिन समेत सुरू भएको थियो।

अर्को पनि पढ्नैपर्ने

उपरथी पाण्डेको जन्ममितिबारे आन्तरिक छानबिन गर्दै सेना

रथी बढुवामा सिफारिसका लागि सार्वजनिक सूचनापछि विवादमा परेका उपरथी पाण्डेको उमेर कीर्ते प्रकरणमा जंगी अड्डाले छानवीन समिति गठन गरेपछि राजीनामा दिएको खुलेको छ ।

रथी बढुवा हुने प्रक्रियामा रहेका पाण्डेको उमेरलाई लिएर विवाद सिर्जना भएपछि सैनिक मुख्यालयभित्रै बलाधिकृत रथी सीताराम खड्काको नेतृत्वमा छानबिन समिति गठन गरिएको थियो ।