बारा । बारामा दुई वटा पेस्तोलसहित पाँचजना पक्राउ परेका छन् । प्रहरीले बिहीबार सिम्रौनगढ नगरपालिका-११ भगवानपुर गाउँबाट पेस्तोल र गोलीसहित पाँच जनालाई पक्राउ गरेको हो ।

पक्राउ पर्नेमा रूपलाल पटेल, उनका छोरा उपेन्द्र, धिरेन्द्र पटेल, रौतहट बौधीमाई नगरपालिका-२ घर भएका राजमंगल पटेल र शोभा राउत छन् ।

जिल्ला प्रहरी कार्यालय बाराका अनुसार रूपलाल पटेलको घरबाट खानतलासी गरी पेस्तोल र १० राउन्ड गोली बरामद गरिएको हो ।

पक्राउ परेकाहरूलाई जिल्ला प्रहरी कार्यालयको हिरासतमा राखी प्रहरीले थप अनुसन्धान थालेको छ ।