काठमाडौं । स्वास्थ्य तथा जनसंख्यामन्त्री मोहनबहादुर बस्नेतले गत शुक्रबार गएको विनाशकारी भूकम्पमा परेर गम्भीर घाइते भएपछि थप उपचारका लागि काठमाडौंको त्रिवि शिक्षण अस्पताल (टिचिङ) ल्याइएका उपचाररत घाइतेलाई भेटका छन् ।

जाजरकोट र पश्चिम रुकुममा गएको विनाशकारी भूकम्पमा परेर गम्भीर घाइते भएका उनीहरुको स्वास्थ्य अवस्था बुझ्न मन्त्री बस्नेत अस्पताल पुगेका हुन् ।

सरकारले भूकम्पमा परेर घाइते भएकाहरुको सबै अस्पतालमा उपचार निःशुल्क गर्ने निर्णय गरिसकेकाले सबैको निःशुल्क उपचार भइरहेको मन्त्री बस्नेतले बताए ।

भूकम्पमा परेर गम्भीर घाइतेहरु मध्ये त्रिवि शिक्षण अस्पतालमा १० जनाको उपचार भइरहेको छ ।