काठमाडौं । चीनको युनान प्रान्तले जाजरकोट र रुकुम पश्चिमका भूकम्प पीडितलाई ५० हजार अमेरिकी डलर सहयोग गर्ने घोषणा गरेको छ ।

सत्ता गठबन्धनमा रहेको एकीकृत समाजवादीका अध्यक्ष माधवकुमार नेपाल नेतृत्वको भ्रमण टोलीसँगको औपचारिक भेटवार्ताका क्रममा चिनियाँ कम्युनिस्ट पार्टी युनान प्रान्तका सचिव वाङ निङले सहयोगको घोषणा गरेका हुन् ।

भेटका क्रममा सचिव वाङ निङले असल छिमेकीको हिसाबले नेपाललाई दैवी प्रकोपमा सहयोग गर्न तत्पर रहेको उल्लेख गरे ।

युनान प्रान्तले कृषिमा हासिल गरेको अनुभव र सीप नेपालसँग साट्न तयार भएको उनल बताए ।