काठमाडौं । प्रतिनिधि सभा अन्तर्गतको राज्य व्यवस्था तथा सुशासन समितिका पदाधिकारी आज भूकम्प प्रभावित क्षेत्रमा जाँदैछन् ।

समितिका सभापति रामहरी खतिवडासहितको टोली बुधबार जाजरकोट र रुकुम पश्चिमको निरीक्षण भ्रमणमा जान लागेको हो ।

राज्य संयन्त्रको काम कारबाही प्रभावित नहुनेगरी उनीहरु आफ्नै खर्चमा भूकम्प प्रभावित क्षेत्रको वस्तुस्थिति बुझ्नको लागि त्यसतर्फ जाँदैछन् ।

यही कात्तिक १७ गते राति जाजरकोटको रामीडाँडा केन्द्रबिन्दु भएर गएको ६.४ म्याग्निच्युडको भूकम्पमा परी १५३ जनाको मृत्यु भएको छ भने ३६३ जना घाइते भएका छन् ।