बुटवल । युनिभर्सल कलेज अफ मेडिकल साइन्सेस (युसिएमएस) की प्राचार्य प्रा.डा लक्ष्मी पाठकलाई पदमुक्त गर्ने सहमतिपछि विद्यार्थीहरूले आन्दोलन स्थगित गरेका छन्।

मेडिकल कलेज प्रशासन र आन्दोलनरत विद्यार्थीका प्रतिनिधिबीच मंगलबार भएको सहमतिमा प्राचार्य पाठकलाई पदमुक्त गरी नयाँ प्राचार्य नियुक्त गर्ने सहमति भएको हो ।

पाठकलाई पदमुक्त गर्ने सहमति भएपछि एक महिनादेखि जारी विद्यार्थीको आन्दोलन फिर्ता भएको छ ।

ड्रेस कोडमा असहमति जनाउँदै सुरु भएको आन्दोलन पछिल्लो समय प्रिन्सिपलको राजीनामासम्म पुगेको थियो ।

असोज २२ गतेबाट सुरु भएको आन्दोलनका कारण कलेजमा पढाइ र अस्पतालमा उपचार सेवा प्रभावित भएको थियो ।