दैलेख । लोपोन्मुख राउटे समुदायका महामुखिया महिनबहादुर शाहीको निधन भएको छ।

पूर्वराउटे मुखिया शाहीको आइतबार बिहान करिब ३ बजे ६६ वर्षको उमेरमा निधन भएको हो।

गुराँस गाउँपालिकाले प्रदान गरेको परिचयपत्रमा उनको जन्ममिति २०१४ भदौ ९ गते रहेको उल्लेख छ। महिन केही समय यता ढाड दुख्ने समस्याबाट पीडित थिए ।

१८ सन्तान मध्ये उनका सबै सन्तानको मृत्यु भइसकेको थियो । १ वर्षअघि आगलागीमा परेर छोराको मृत्यु भएपछि उनी शोकमा थिए ।

उनका अब श्रीमती र २ जना बुहारी छन् । अहिले राउटेहरू दैलेखको भैरवी गाउँपालिका ३ को छामखोलामा बस्दै आएका छन् ।