रूकुम । प्रधानमन्त्री पुष्पकमल दाहाल ‘प्रचण्ड’ले भूकम्प प्रभावित रूकुम पश्चिममा रहेका अस्पताल पुगेर घाइतेहरूलाई भेटेका छन्।

शनिबार मध्याह्न रूकुमको सानीभेरी अस्पताल पुगेर प्रधानमन्त्री प्रचण्डले भूकम्पमा परी घाइते भएकाहरूलाई भेटेका हुन् ।

प्रधानमन्त्री प्रचण्डले घाइतेहरू अवस्था र उनीहरूको उपचारका बारेमा अस्पतालसँग जानकारी लिएका छन्।

शनिबार बिहानै भूकम्पको केन्द्रबिन्दु रहेको जाजरकोट पुगेका प्रधानमन्त्री त्यहाँबाट रुकुम पश्चिम पुगेका हुन् ।

यसअघि जाजरकोटबाट घाइते ७ जना तथा ७ जना कुरुवालाई आफू सवार हेलिकप्टरमार्फत उद्धार गरेर सुर्खेत पुर्‍याएका थिए ।

गत राति गएको ६.४ म्याग्निच्युडको भूकम्पमा परी हालसम्म १३६ जनाको मृत्यु भएको छ ।