काठमाडौं । गएरातिको भूकम्पबाट जाजरकोटमा मात्रै ९२ जनाको मृत्यु भएको छ ।

जाजरकोट प्रहरीका अनुसार बिहानसम्म ९२ जनाको मृत्यु भएको पुष्टि भएको हो ।

धेरै घाइते भएका र उद्धारको काम भैरहेको प्रहरीले जनाएको छ । भूकम्पका कारण सयौँ घर भत्किएका छन् ।

गएराति जाजरकोट केन्द्रबिन्दु भएर गएको भूकम्पबाट जाजरकोटसहित छिमेकी जिल्ला रुकुम पश्चिममा पनि धनजनको ठूलो क्षति भएको छ ।

जाजरकोट आसपासलाई केन्द्र बनाएर शुक्रबार मध्यराती गएको ६.४ म्याग्निच्युडको भूकम्प गएको थियो ।