बाँके । बाँके प्रहरीले १० जना जुवाडेलाई पक्राउ गरेको छ ।

नेपालगन्ज उपमहानगरपालिका-२ स्थित रमेश साहुको घरमा तास खेलिरहेका १० जनालाई ८९ हजार रुपैयाँसहित पक्राउ गरिएको हो ।

साहुको घरमा तास खेलिरहेको सूचना पाएपछि पुगेको प्रहरीले एक गड्डी ताससहित ८० हजार २ सय २० रुपैयाँ नेपाली र ५ हजार ८ सय ८० रुपैयाँ भारुसहित १० जनालाई नियन्त्रणमा लिएको बाँके प्रहरीले जनाएको छ ।

पक्राउ परेकालाई मुलुकी फौजदारी संहिता २०७४ को दफा १२५ बमोजिम तीन महिनासम्म कैद वा तीस हजारसम्म जरिवाना हुन सक्ने व्यवस्था छ ।