रामेछाप । रामेछाप विमानस्थलमा दुई पाइलटबीच कुटाकुट भएको छ ।

शुक्रबार बिहान ८ बजे तारा एयरका वरिष्ठ क्याप्टेन सन्तोष साह र अर्का क्याप्टेन सञ्जीव श्रेष्ठबीच कुटाकुट भएको हो ।

वरिष्ठ क्याप्टेन साहले लुक्लाबाट रामेछाप विमानस्थलमा अवतरण गराएका थिए । त्यो जहाज लिएर लुक्ला जाने अर्का क्याप्टेन श्रेष्ठबीच झगडा परेको हो ।

दुवै जना क्याप्टेनको ड्युटी अदलीबदलीको समय थियो । क्याप्टेन सञ्जीव श्रेष्ठ जहाज लिएर लुक्ला पुगेका छन् ।

उनलाई र उक्त जहाजलाई लुक्ला विमानस्थलमै ग्राउन्डेड गरिएको छ ।

घटनापछि नागरिक उड्डयन प्राधिकरणले क्याप्टेन श्रेष्ठको पाइलट इजाजतपत्र खारेज गर्ने तयारी गरेको छ ।