काठमाडौं । अर्थमन्त्री डा. प्रकाशशरण महतले नेपालको अर्थतन्त्र सकारात्मक बाटोतर्फ गइरहेको दाबी गरेका छन् ।

बिहीबार प्रतिनिधिसभा बैठकपछि सञ्चारकर्मीहरूसँग कुराकानी गर्दै अर्थमन्त्री महतले यस्तो दाबी गरेका हुन् ।

उनले अर्थतन्त्र धराशायी भयो भन्ने प्रचार सही नभएको बताए ।

उनले अब ब्याजदर घट्ने बताए । त्यस्तै जग्गाको कारोबार बढिरहेको, पर्यटक र रेमिट्यान्स पनि बढिरहेको उनको भनाई छ ।