काठमाडौं । संयुक्त राष्ट्रसङ्घका महासचिव एन्टोनियो गुटेरेसले गाजामा बन्धक बनाइएका सबैलाई निःसर्त तत्काल रिहा गर्न आग्रह गरेका छन् ।

नेपालको औपचारिक भ्रमणमा रहेका महासचिव गुटेरेसले सामाजिक सञ्जालबाट यस्तो आह्वान गरेका हुन् ।

उनले लेखेका छन् “म नेपालबाट गाजामा बन्दी बनाइएका सबैलाई निःसर्त एवम् तत्काल रिहा गर्न आह्वान गर्दछु । सर्वसाधारणको हत्या, उनीहरुमाथि हुने आक्रमण र अपहरणलाई कदापी न्यायोचित मान्न सकिँदैन ।”

नेपालका विपीन जोशीलाई पनि हमासले बन्धक बनाएको आशंका गरिएको छ ।