खोटाङ । १३ वर्षीया बालिकालाई जबरजस्ती करणी गर्न खोज्ने एक पुरुष पक्राउ परेका छन् ।

दिक्तेल रुपाकोट मझुवागढी नगरपालिका–६ नेर्पाका ४३ वर्षीय शम्शेर गुरुङ शुक्रबार पक्राउ परेका हुन् ।

मादक पदार्थ सेवन गरेर बालिकालाई जबरजस्ती करणीको प्रयास गर्ने गुरुङलाई शुक्रबार पक्राउ गरिएको जिल्ला प्रहरी कार्यालय खोटाङले जनाएको छ ।

गुरुङलाई आइतबार अदालतमा पेस गरी म्याद लिई थप अनुसन्धान अघि बढाउने तयारी रहेको प्रहरीले जनाएको छ ।