रूकुम पश्चिम । रूकुम पश्चिममा अटो दुर्घटना हुँदा ८ जना घाइते भएका छन् । जिल्लाको मुसिकोट नगरपालिका नम्बर ४ बोहरागाउँमा खलंगाबाट सोलावाङतर्फ जाँदै गरेको रा १ ह ७३०९ नम्बरको अटो दुर्घटना हुँदा ४ बालबालिकासहित ८ जना घाइते भएका हुन् ।

घाइते हुनेमा मुसिकोट नगरपालिका-११ का ३० वर्षीय मञ्जु ओली, उनका छोरा ४ वर्षीय लक्की बुढा, सोही वडाका २५ वर्षीय कृष्ण बिक, २४ वर्षीया टीका ददेल, उनको १५ महिनाको छोरा नुवाक श्रीपाली, मुसिकोटकी अर्चना सन्यासी, उनका ४ वर्षीय छोरा डिसिजन खड्का र १७ महिनाकी छोरी बेनिका खड्का रहेका छन् ।

घाइते सबैको खलंगाको साझा मुराल अस्पतालमा उपचार भइरहेको जिल्ला प्रहरी कार्यालय रूकुम पश्चिमले जनाएको छ ।

अटो चालक मुसिकोट ४ का ३३ वर्षीय मनिराम कामी र अटोलाई प्रहरीले नियन्त्रणमा लिएर अनुसन्धान थालेको छ ।