जनकपुरधाम । जनकपुरमा एक युवकको शव फेला परेको छ ।

जनकपुरधाम उपमहानगरपालिका-२३ बेलास्थित धान खेतमा अन्दाजी २५ वर्षीय युवकको शव आज बिहान मृत फेला परेको हो ।

मृतक युवकको पहिचान खुल्न नसकेको धनुषाका प्रहरीले जनाएको छ ।

मृतक युवकको मुखमा रगत देखिएको छ र घटनास्थलको प्रकृतिले मृत्यु शंकास्पद देखिएको छ ।

घटनाको अनुसन्धान गर्न तालिम प्राप्त कुकुरसहितको टोली ल्याउने तयारी रहेको छ ।