काठमाडौं । झापाको धुलाबारीमा सञ्चालित पाँचतारे होटल मेची क्राउनभित्र रहेको ‘भेगास क्यासिनो’मा बलिउडका दुई जना कलाकारले धमाका मच्चाउने भएका छन् ।

यही कार्तिक ११ र १२ गते बलिउडका कलाकार गोविन्दा र नेहा शर्माले भेगास क्यासिनोमा धमाका मच्चाउने भएका हुन् । आफ्नो दोस्रो वार्षिक उत्सवको अवसरमा क्यासिनोले उनीहरुलाई बोलाएको हो ।

सो क्यासिनोका अनुसार गोविन्दाले कार्तिक ११ गते (अक्टुवर २८) र शर्माले १२ गते (अक्टुवर २९) मा प्रस्तुती दिनेछन् । सो क्यासिना झापाको भद्रपुर विमानस्थलबाट १७ किलोमिटर र भारतको बागडोग्रा विमानस्थलबाट २५ किलोमिटर दुरीमा रहेको छ ।

यस्तै होटल मेची क्राउन ‘साउथ एसियन ट्राभल अवार्ड २०२३’ बाट पनि सम्मानित भएको थियो । नेपाल, भारत,बंगालादेश, श्रीलंका,माल्दिभ्स, भुटानका करिब २ सय वटा होटेलहरूकाबीच भएको प्रतिस्पर्धाबाट लीडिङ एण्ड वेडिङ तथा कन्फ्रेरेन्स होटलररिसोर्ट क्षेत्रमा मेची क्राउनले अवार्ड जितेको थियो ।