काठमाडौं । त्रिदेशीय शृङ्खलामा यूएईविरुद्ध नेपालका आशिफ शेखले अर्धशतक बनाएका छन् ।

सोमबार काठमाडौंस्थित मूलपानी मैदानमा जारी खेलमा उनले ४४ बलमा अर्धशतक बनाएका हुन् ।

अर्धशतक बनाउने क्रममा उनले ६ चौका र एक छक्का प्रहार गरे । उनले कप्तान रोहित पौडेलसँग मिलेर नेपालको ब्याटिङ सम्हालेका हुन् ।

रोहित ३० बलमा ३१ रन बनाएर खेलिरहेका छन् । यूएईले दिएको १६५ रनको लक्ष्य पछ्याएर जवाफी ब्याटिङ थालेको नेपालले सुरुवातमै ३ विकेट गुमाएको थियो।