काठमाडौं । झापामा आठ वर्षीया बालिकामाथि बलात्कार गरेको आरोपमा एकजना पक्राउ परेका छन् ।

पक्राउ पर्नेमा शिवसताक्षी नगरपालिका–५, आमबाडी बस्ने ५५ वर्षीय फुलसिंह ताजपुरिया रहेका छन् । उनलाई सोमबार दिउँसो प्रहरीले पक्राउ गरेको हो ।

ताजपुरियाले घर नजिकै खेल्न गएकी ती बालिकालाई ललाईफकाई सोही ठाउँस्थित धानबारीमा लगेर बलात्कार गरेको आरोप छ ।

बालिकामाथि बलात्कार गरेको भन्ने उजुरीका आधारमा इलाका प्रहरी कार्यालय शिवगञ्जबाट खटिएको प्रहरीले उनलाई पक्राउ गरेको जनाइएको छ ।