एजेन्सी । आगामी वर्ष जर्मनीमा हुन गइरहेको युरोकप फूटबल प्रतियोगितामा स्पेन, स्कटल्यान्ड र टर्कीएले स्थान पक्का गरेका छन् ।

सर्वाधिक ३ पटकको विजेता स्पेनले आइतवार राति नर्वेलाई उसको घरेलु मैदानमै १–० गोल अन्तरले हराउँदै युरोकपमा छानिएको हो ।

स्पेनको जीतमा गाभीले ४९ औँ मिनेटमा निर्णायक गोल गरे । नर्वे पराजित भएपछि स्कटल्यान्डले पनि २ खेलअगावै टिकट काटेको छ । यता, स्पेनले पनि अझै २ खेल्न बाँकी हुँदै छनोट चरण पक्का गरेको हो ।

समूह ‘ए’बाट स्पेन र स्कटल्यान्ड छानिएका हुन् । समूह विजेताको भने टुंगो लागेको छैन । यस्तै, लात्भियालाई ४–० को फराकिलो अन्तरले पराजित गर्दै टर्कीए पनि युरोपमा छानिएको छ ।

युरोकपमा लागि आयोजक जर्मनीसँगै ७ टोलीले टिकट पक्का गरिसकेका छन् ।