काठमाडौं । मनाङ एयरको हेलिकप्टर दुर्घटना भएको छ । रुम्झाटारबाट लोबुचे उडेको एन-एएनजे कलसाइन भएको हेलिकप्टर दुर्घटनामा परेको हो ।

मनाङ एयरका अनुसार हाइ अल्टिच्युडमा रहेका यात्रु ल्याउन आज बिहान ७ः१३ मिनेट उडेको हेलिकप्टर दुर्घटना भएको हो । हेलिकप्टरमा पाइलट मात्रै रहेको उनी सुरक्षित रहेको बताइएको छ ।

पाइलटलाई फिस्टेलको हेलिकप्टरले लुक्ला ल्याएको छ । उनलाई अहिले ह्याम्स हस्पिटल ल्याइने भएको छ ।

अवतरणका क्रममा हेलिकप्टर दुर्घटनामा परेको नागरिक उड्डयन प्राधिकरणले जनाएको छ । दुर्घटनापछि हेलिकोप्टरमा आगो लागेको एक भिडियोमा देखिन्छ ।